Македонско археолошко друштво

Професионално археолошко здружение кое работи на развој и промоција на археологијата и културното наследство на Македонија
За нас

Здружение за научно-истражувачки работи

Македонското археолошко друштво е основано во Прилеп во 1970 година. Тоа е асоцијација чие членство е целосно инкорпорирано во културните и научните институции во државата и кое, од една страна, создава услови за развој на археолошката наука, а од друга страна овозможува културен пробив со вредности надвор од земјата, Европа и светот.

Друштвото моментално брои над осумдесетина члена, а во текот на своето постоење во него членувале повеќе од 200 археолози.

ИСТОРИЈАТ

Членство

Редовен член на Друштвото може да биде секој дипломиран археолог кој професионално врши работи од областа на археологијата или сродните дисциплини на територија на Република С Македонија. Надворешен член на Друштвото може да биде лице кое има диплома од сродните дисциплини, а кое професионално врши работи од областа на археологијата и кое допринесува за унапредување и развој на археологијата. За почесен член на Друштвото се прогласува редовен или надворешен член на Друштвото или член на други здруженија и асоцијации на професионални археолози со слична цел, кој остварил особени успеси во унапредувањето и развојот на археологијата, преку теренски истражувања, публикации и промоција на археологијата.
Зачлени се

Симпозиуми

Прочитај повеќе

 

Macedoniae acta archaeologica е стручно списание на Македонското археолошко друштво. Во списанието се публикуваат извештаи од теренските истражувања на македонските археолошки локалитети, прикази и рецензии на книги и изложби, библиографии итн. Хронолошки се опфатени периодите од длабоката праисторија па сѐ до доцниот среден век. Првиот број на списанието е публикуван во 1975 година, излегува во временски интервал еднаш на две години.

Трудовите во списанието подлежат на рецензија од страна на редакцискиот одбор.

Поднесувањето на прилози е целосно бесплатен.

Списанието излегува во печатена форма и електронски на интернет страната на списанието. Објавените трудови се достапни бесплатно, без ограничување на интернет страната на списанието. Авторите добиваат бесплатен примерок од печатеното издание. 

Соджините се архивирани во PKP Preservation Network (PN), LOCKSS, CLOCKSS и Националната и универзитетска библиотека Св. Климент Охридски, Скопје.

Линк до страната на списанието со отворен пристап:

https://www.macedactaarchaeol.mk

УПАТСТВО

Посебни изданија